Það er gott að vera búnir með erkifjendur okkar úr Verslunarskólanum. 26-23 eru ágætis úrslit. Hraðinn var allt í lagi fyrir utan fyrstu og síðustu spurninguna sem var hálfgerður klaufaskapur. Ég er sáttastur með bjölluspurningarnar þar sem við fórum alltaf á réttum tíma á bjölluna og náðum góðu forskoti á Verslinga. Við hefðum þó mátt fara fyrr á bjölluna í vísbendingaspurningunum um Norðurljósin og Nebúkadnesar. Verst að ég misheyrði síðarnefndu vísbendingaspurninguna. Mér heyrðist hann spyrja um konu í staðinn fyrir konung og þess vegna var ég farinn að renna yfir konur úr Gamla testamentinu í huganum.
Vetrargerðurinn í Smáralindinni er ekki góður keppnisstaður. Illa heyrðist í Sigmari þegar hann las hraðaspurningarnar fyrir okkur. Kliður heyrðist úr Smáralindinni og auk þess heyrðist í útsendingunni sem var örfáum sekúndum á eftir. Einnig voru of fá sæti þarna. En það var óneitanlega gaman að fá tækifæri til að skjóta á Kópavog fyrir framan hálfa þjóðina.
Annars þakka ég Verslingum fyrir góða keppni.
3 ummæli:
Björn Reynir, var það ekki svolítið klúður að vita ekki hvað teiknimyndapersónan hét og giska á Gissur Gullrass??? en samt mjög gott hjá þér og ykkur. óska ykkur alls hins besta. bestu kveðjur,, Gissur.
ps. ef þú hefur heyrt eitthvað slúður um að mamma mín sé með krabbamein þá vil ég bara segja að það er satt.
hvað er ýmislegt fleira?? ég vil vita allt um þig
Ég vil hafa það alveg á hreinu að ég er aðdáandi númer 1 og formaður aðdáebdaklúbbsins. Við tökum samt vel á móti nýjum meðlimum :)
Fulla trú á þér strákur, þetta var sterkt lið en þið voruð einfaldlega sterkari.
Skrifa ummæli