Bobby vs. Dorit!

Meira um Bobby Fischer. Ármann, frændi minn, benti mér á þá kaldhæðnislegu staðreynd sem gleymdist í öllum látunum, að forsetafrúin er auðvitað gyðingur. Eins og alþjóð veit, þá er Bobby gyðingahatari. Hvað mun Bobby segja um hana? Það ætti þó að vera ljóst að hann fær ekki höfðingjalegar móttökur á Bessastaði.

Bobby eða herinn?

Annars verð ég að hrósa íslenskum stjórnvöldum fyrir að þora að standa gegn Könunum. Aldrei hefði ég trúað því að Davíð þyrði að rísa upp gegn Bush og félögum. Gaman það. Og hver veit til hvaða ráðs Kanarnir taka, kannski taka þeir bara herinn burt (og vonandi taki til eftir sig) og þá yrði ég sáttur.

Draumur

Mig dreymdi í nótt að ég hefði fengið 3 í einkunn fyrir ritgerð um John Stuart Mill og nytjastefnuna. Það er nú bara eins gott að sá draumur (eða martröð) rætist ekki.

Stefnubreyting hjá Bush eða bara brandari?

Scott McClellan, talsmaður hvíta húsinns:
Well, the President stands on the side of defending life.
Þetta var sagt um Bush forseta þegar talað var um mál Terri Schaivo. En hér er talað um líf almennt og þá fer ég að velta því fyrir mér hvort þetta sé einhver brandari. Ég væri gjarnan til í að heyra þessa setningu í umræðunni um stríð og dauðarefsingar. Yrði þetta sagt um forsetann? Ég held ekki. Er þetta kannski einhver stefnubreyting hjá honum að hætta að drepa? Ég tel það nokkuð ólíklegt. En við vonum það.

Kleppur er víða!

Já, þessi tilvitnun er auðvitað úr hinni stórskemmtilegu bók Englum alheimsins. Ég er nýbúinn að taka próf úr bókinni og gekk ágætlega í því. Það er gaman að velta sér upp úr þessari setningu og setja hana í samhengi við samfélagið og þá er alltaf hægt að finna einhvern Klepp út í bæ.

Það má kannski segja að kleppur hafi tekið sér bólfestu hérna þó að húsið sé vel upplýst á þessari mynd.

Það er alveg ótrúlegt hvað sama ríkisstjórnin endist lengi hér. Ætli þetta sé ekki 11. ár ríkistjórnarinnar hér. Hún lifir nú í sínum eigin heimi, hlustar allavegana ekki á þjóðina. Kannski húsið sé farið að gegna sínu upprunalegu hlutverki aftur.
Í dag fór ég að mótmæla fyrir utan húsið í dag.

Það byrjaði með því að við Ung Vinstri Græn bjuggum til mótmælaskilti í húsi VG. Svo fórum við með skiltin á Ingólfstorg þar sem fjöldi manna safnaðist saman til þess að mótmæla stríðinu. Þar var haldin smá dagskrá og svo haldið að stjórnarráðshúsinu með svartan borða þar sem nöfn fórnarlamba var nælt á. Borðinn var svo settur fyrir framan áðurnefnt hús. Mönnum var heitt í hamsi og lentu nokkrir upp á kant við lögguna. Alvöru mótmæli.

Þetta var liður í Alþjóðlegum mótmælum og hér er mynd af mótmælunum í London með tilheyrandi gjörningi. Þar væri ég til í vera.


Og svo aðeins í lokin: Höfnum stríði

Tap gegn Haukum

Vorum að keppa á móti Haukum áðan. Töpuðum með 5-6 mörkum. Við stóðum okkur mjög illa. Ég náði mér aldrei á strik og klúðraði færum í stað þess að skora. Við eigum að vinna þetta Haukalið en vorum bara hálfsofandi í kvöld. Það ætti að banna leiki á föstudagskvöldi.

Heróðir Kínverjar og Kanarnir, vá þeir eru bara snarruglaðir.

Var að lesa það hérna að Kínverjar séu að auka útgjöld til hermála og eyða 1.900 milljörðum króna í herútgjöld. Það er rugl! En svo hélt ég áfram að lesa fréttina og sá að Bandaríkjamenn eyða 25.200 milljörðum! Hvað er í gangi? Það er alveg ótrúlegt hvað menn eru eyða í hermál! Ég get rétt ímyndað mér hvað hægt er að gera fyrir slíka upphæð. Sem dæmi má nefna:

• Tryggt vatn og mat handa fátækum.
• Barist gegn sjúkdómum eins og malaríu og að maður tali nú ekki um alnæmi, með lyfjagjöfum og fræðslu.
• Losað börn undan þrælkunarbúðum stórfyrirtækja.
  
• Hugsað líka um ýmis innanlandsmál eins og heilbrigðismál, menntamál, umhverfismál og öll hin málin sem Bush ákvað að skera niður til að geta eytt meiru í herinn og lækkað skatta fyrir þá ríku sem hafa alveg efni á að borga sína skatta.
  

En það er alltaf á einhvern ótrúlegan hátt nægilegt fjármagn til að eyða í hermál eins og drápsvopn sem eru, sem betur fer, aldrei notuð enda óréttlætanlegt að nota þau. Það er bara ekkert gagn í því að eyða svo miklu í hergögn.

Mímisbrunnurinn kominn heim í Haga!

Rétt í þessu vorum við að vinna "Nema Hvað" spurningakeppnina. Það var Laugalækjarskóli sem keppti til úrslita við okkur. Laugalækjarskólinn var þegar búinn að vinna Skrekkinn svo við þurftum að halda heiðri Hagaskóla, sem stórveldi, uppi og vinna keppnina.


Frá vinstri: Þórður, ég, Hafsteinn og svo ræðusnillingarnir Ari og Sindri.

Laugalækjarskóli byrjuðu í hraðaspurningarnar með fullu samþykki okkar, og hlaut 12 stig en við 15. Þeir náðu síðan að jafna en við spíttum þá í gírinn og náðum 4 stigum í röð ef ég man rétt(þó eitt stigið væri reyndar dregið af okkur seinna). Ari og Sindri stóðu fyrir sínu með ræðunni, eins og venjulega og fyrir já-nei skriflegu spurningarnar höfðum við 6 stiga forystu og kórónuðum svo sigurinn með því að taka 5 stig út úr þeim lið en Laugalækjarskóli náði engu. Lokatölur: 33-22.

Þessi úrslit segja kannski ekki allt um styrkleikamunin. Laugalækjarskóli er sterkur og hefði getað unnið okkur. En við vorum bara sterkari í dag og uppskárum Mímisbrunninn og kannski örugga skólagöngu í Versló, en það kom einhver gaur þaðan og spurði hvort við ætlaðum ekki örugglega í Versló. Sá maður bauð okkur ýmis fríðindi en ég sagði bara beint við hann að ég ætlaði í MR og ekkert annað, en hann hélt áfram. Bjartsýnn sá maður. En nú ætla ég bara að njóta þess að hafa unnið þetta í annað sinn og reyna að ná mér niður á jörðina.

Viðuregnina má hlusta á í heild sinni á RUV.is

Ath: Þessi pistill er skrifaður af montnum Hagskælingi sem hefur líka góða ástæðu til þess að vera montinn enda ekki á hverjum degi sem maður vinnur svona glæsilegan sigur.

Frakkar hertóku Napóleon!

Er búinn að hlusta á undanúrslitaviðuregn okkar í Nema hvað á móti Húsaskóla, á netinu. Þar heyrði ég að Frakkar hefðu hertekið Napóleon. Jamm, ég mismæld migi skemmtilega en ég ætlaði auðvitað að segja að Frakkar hertóku Danmörku. Held að það sé líka kannski smá ruglingur. En þetta kemur fyrir bestu menn. Og svo er rödd mín nokkuð furðuleg í útvarpinu (eða það finnst mér alla vegana) enda hljóðgæði ekkert allt of góð.
Viðuregnina er hægt að hlusta á RUV.is, vefupptökkur Rás 2, 14 apríl fyrir þá sem misstu af henni.

Komnir í úrslit!

Undanúrslitaviðuregninni á móti Húsaskóla var að ljúka. Það var aldrei nein spurning á hvaða veg keppnin færi. við leiddum 14-9 eftir hraðaspurningarnar og því næst tókum við 3 stig úr vísbendingaspurningunni með því að geta upp á HC Andersen í fyrstu vísbendingunni. Við jókum forystuna enn frekar í töfluspurningunum og Ari Bragi og Sindri skiluðu 5 stigum af 5, fyrir ræðuna þeirra. Í já-nei skriflegu spurningum hlutum við 5 stig af 6 en Hússkælingar hlutu 6. En sigurinn var öruggur, 32-21 ef ég man rétt.

Við keppum til úrslita næsta mánudag á móti Fellaskóla eða Laugarlækjarskóla. Sami staður, sami tími og í kvöld.

Lexía dagsins, spara aðeins flatbökuátið fyrir keppni. Það fer ekkert allt of vel í magann.

Landakotsskóli endanlega veginn!

Frá vinstri: Ég, Þórður, Hafsteinn og ræðumaðurinn Ari Bragi

Úrslit hverfismeistarakeppninnar í borgarhluta1 fór fram í Frosta í gær. Landakotsskóli var andstæðingurinn öðru sinni. Í fyrri viðuregninni þeirra mættu þeir frekkar slappir til leiks og greip því fyrilliði þeirra, Paul til þess dramatíska ráðs að reka hina tvo og ráða tvo aðra í staðin. Það skilaði sér nokkuð vel því liðið var mun sterkara og vék Paul úr miðjunni fyrir stelpu sem var mjög klár.

Við byrjuðum hraðaspurningarnar ekki vel en náðum þá 15 stigum. Það gerðu Landkytingar líka og náðu svo 3 stiga forystu eftir vísbendingaspurninguna. Eftir þríþrautina náðu þau 5 stiga forystu og var því á brattann að sækja. Við söxuðum á forskotið jafnt og þétt og Ari Bragi og Sindri skiluðu einnig sínu framlagi mjög vel með ræðu sem hinn fyrrnefndi flutti um það hvort leita ætti á nemendum þegar þeir kæmu í skólann. Svo náðum við að jafna og ná 2 stiga forystu þegar að já-nei skrifleguspurningarnar voru eftir. Við náðum 4 stigum gegn 1 þeirra og úrslitin endanlega ráðin. Lokaniðurstaðan var 31-26.

Við erum því komnir í undanúrslit og keppum við þar á móti Húsaskóla. Keppnin fer fram í útvarpshúsinnu næsta mánudag kl. 20:00 og verðum við í beinni á Rás 2

Svona í lokin vil hrósa Landakotsskóla fyrir glæsilega frammistöðu og einnig benda á að myndir frá keppninni má nálgast hér (endilega kíkið á myndina af Eddu og Þórgunni).

Auglýsing.

Einkabílistar, einkabílistar, er bíllinn skítugur? Þá stendur ykkur það kostaboð að kaupa tjöruhreinsi , bílasápu og rúðuvökva í einum pakka á aðeins 1000 kr. Ég endurtek: Aðeins 1000 kr.
Ef þú hefur áhuga, sendu mér þá tölvupóst.
Takmarkaðar birgðir
(Salan er liður í fjáröflun fyrir keppnisferð til Spánar hjá 4. fl. ka. í handbolta hjá Gróttu.)

P.S. hafi þetta með einkabílistanna farið fyrir brjóstið á einhverjum, þá er þetta bara smá grín sem ekki ber að taka alvarlega

Bikardraumurinn úti.

Það er langt síðan að ég hef ritað handboltapistla. Ástæðan er kannski sú að mér fannst þær nokkuð leiðinlegar. En alla vegana þá var farið til Selfoss í gær að keppa gegn samnefndu liði þar í undanúrslitum SS bikarins. Við höfðum farið frekar létta leið í undanúrslitin. Unnið Hauka C, Fylki og Aftureldingu. En Selfyssingar eru sterkir og það var alvöruleikur fyrir höndum. Það var margmenni í íþróttahúsinu og Auðvitað langflestir á þeirra bandi. Við höfðum yfirhöndina framan af og náðum 3 marka forystu. Við leiddum með 1 marki í hálfleik. Í þeim síðari gáfum við eftir og Selfyssingar náðu forystunni og unnuleikin með 2 mörkum. Það verður því ekki leikið í Höllinni. Frammistaða mín var eins og liðsins. Ég byrjaði vel, skoraði 5 mörk (af 5 skotum) í fyrri hálfleik en dalaði svo í þeim seinni, skoraði 1 mark og klúðraði færum.

Eftir það var farið á Kentucky fried chicken. Ég fékk mér twister með frönskum og pepsi. Nokkuð sniðug máltíð, twisterinn til að njóta, franskarnar til að gera mann saddan og pepsi með til að skola matnum niðurog njóta í leiðini. Svo var bara farið heim og ég þurfti að læra fyrir þýskupróf sem gekk nokkuð vel.

Án titils

Það var ágætur dagur í skólanum í dag. Það var frí í fyrstu tveimur tímunum. Í hléinu fór ég að taka áhugasviðskönnun. Niðurstöður könnuninnar komu mér ekki á óvart og ég var með mestan áhuga á félagslega þættinum. Annars var ég ekki sáttur með það að í könnuninni eru stjórnmál sett í sama flokk og viðskipti og markaðsmál. Sem sagt, að ef maður er góður í viðskiptum eða markaðsmálum þá getur maður farið á þing. Hugsjónir skipta þarna greinilega litlu máli. Þetta eru þau skilaboð sem ég fæ út úr könnuninni. Könnunin er reyndar bandarísk og segir það kannski sitt. Þar í landi duga hugsjónirnar allt of lítið og maður verður að vera í stórum flokki og með fjársterka menn á bak við sig til að ná árangri.
Í íslenskutíma komst ég að því að prófið var upp á 9. Það var eitt svar sem var rétt en ekki gefið fyrir og hækkar það mig í 9.
Svo fórum við í skvass í íþróttafræði. Það varið farið í Veggsport sem er einhvers staðar fyrir utan grafarvog. Þar gerði ég þá uppgötvun að skvass er bara nokkuð skemmtileg íþrótt. Ég er reyndar ekkert sérlega góður en ég held að ég hafi náð tökum á íþróttinni.

Smá um umhverfismál

Mér líst ekki vel á þetta. Hverni væri að Bush-stjórnin hætti nú að hugsa bara um hagsmuni ríku karlanna sem menga eins og þeim sýnist og drullist til að skrifa undir Kyoto samninginn. Um 25% mengunarinnar kemur frá þeim og samt vilja þeir ekkert taka tillit til umheimsins (og þeirra sjálfra reyndar líka) og takmarka mengunina. Því miður erum við íslendingar líka með í mengunarkapphlaupinu með okkar "sér íslenska ákvæði " í Kyoto-bókuninni. Mér er ekki skemmt!

Neyðarhjálp úr norðri

Það er ekki á hverjum degi sem ég fer inn í Smáralindina. En í dag fór ég ásamt föður mínum, í þeim tilgangi að safna fyrir fórnarlömb flóðanna við Indlandshaf. Það gekk bara nokkuð vel og var baukurinn orðinn nánast fullur hjá okkur. Það var líka fullt af fólki sem var búið að gefa eða ætlaði að gefa seinna. Svo í kvöld er söfnunin í sjónvarpinu. Það eru frekari upplýsingar hérna.

Tvöfaldur sigur í Nema hvað

Í gær kepptum við í "Nema hvað" spurningakeppninni. Unnum tvo örugga sigra á móti Austurbæjarskóla og Landakotsskóla.

Í fyrri viðuregninni kepptum við á móti Austurbæjarskóla. Eftir Hraðaspurningarnar var 16-14. en við vorum mun sterkari og unnum sannfærandi sigur 28-19. Hefðum þó mátt vera frekari á bjölluna (á sérstaklega við um mig) . Í seinni viðuregninni kepptum við á móti Landakotsskóla. Sú viðuregn var aldrei spennandi og unnum við 26-18 (klúðruðum eiginlega já-nei skriflegu spurningunum)

Við stóðum okkur bara mjög vel. Vorum snöggir í hraðaspurningunum og töluðum vel saman í hinum spurningunum. Svo sviðsframkoman í fínasta lagi hjá okkur.

Næst keppum við 10. febrúar á móti Landakotsskóla aftur í úrslitum hverfismeistarakeppninnar. Þeir unnu Austurbæjarskóla og lentu í öðru sæti í riðilnum.

Vitlausir ráðherrar!

Ég er hissa á ummælum Daviðs, Halldórs og Björns. Þeir segjast ekki skilja þá einföldu spurningu um það hvort Ísland ætti að vera á lista vígfúsu þjóða. Þau 84% sem eru á móti því skildu alla vegana spurninguna. Ég útskýra þessar niðurstöður fyrir þeim: ÍSLENDINGAR ERU Á MÓTI STRÍÐINU Í ÍRAK. Ég vona að þeir skilji þetta.

Njálu myndin.

Var að horfa á myndina Njálssögu . Þetta var nú bara stutt útgáfa af Njálu og eiginlega of stutt. Í myndinni er sá hluti bókarinnar tekinn þar sem deila Gunnars og Otkels er tekin fyrir. Vandamálið er að sá kafli var ekkert kláraður. Deilunni var ekkert lokið og ég reyndar man ekki hvar myndin endaði því að eftir henni komu viðtöl við fullt af fólki og tók það jafnlangan tíma og myndin sjálf. Myndin hefði mátt enda þar sem Gunnar var drepinn og þá væri hans hluta lokið. Svo hefði átt að sleppa þessum viðtölum og gera bara sér heimildarmynd um bókina. Fyrir utan þetta var þó sögunni gerð ágæt skil. Því skal ég s.s. ekki neita.
En í stuttu máli sagt: Meiri saga, minni viðtöl (eða bara sleppa þeim yfir höfuð).

En nú þarf ég að halda áfram að lesa fyrir stærðfræðipróf.

Davíð segir...

Davíð Oddsson segir að það sé fráleitt að halda því fram að Íslendingar séu þátttankendur í Íraksstríðinu samkvæmt þessari grein. Þessi yfirlýsing er ábyrgðarlausari en yfirlýsingar Halldórs Ásgrímssonar um kennaraverkfallið. Því miður var Ísland á lista hinna vígfúsu ríkja sem var notaður til að réttlæta stríðið og er enn! Þetta er eins og að horfa upp á einelti og hlæja með þegar gerandinn níðist á fórnarlambinu en segjast svo vera saklaus.

Nema þá kannski beri að túlka yfirlýsinguna þanning að Davíð og Halldór séu einir Íslendinga í þessu stríði sem er nú s.s. engin lygi þar sem Íslendingar eru langflestir á móti þessu stríði. En þrátt fyrir það blönduðu þeir allri þjóðinni í þetta og réttast er að þeir biðji hana afsökunar!

Svo einnig í greinni má túlka að Davíð viðurkennir að Íslendingar hafi horfið af braut friðar með ingöngu í NATO. Ísland á bara að segja sig úr NATO og byrja að boða hin kærleiksríka friðarboðskap.

Svo segir Davíð líka að mun friðvænlegra væri væri í heiminum eftir fráfall Yasser Arafat. Ég held að það hafi ekki mjög mikil áhrif. Heimurinn yrði afur á móti mun friðvænlegri ef það væri hægt að koma Ariel Sharon og hinum morðóða Texas-kúreka Bush frá völdum, það er á hreinu.

Jólafrí!

Jibbí, ég ætla að halda upp á það með því að fá mér blund.