fimmtudagur, apríl 06, 2006

GB: Spurt að leikslokum

Í tilefni þess að Gettu betur er lokið í ár vil ég tjá þanka mína um þá keppni núna.

Ég vil byrja á því að óska strákunum í MA til hamingju með sigurinn. Þeir eiga sigurinn innilega skilið. Eftir að þeir slógu okkur út var ég alveg viss um að þeir stæðu uppi sem sigurvegarar í ár.
Fyrir úrslitaleikinn spáði ég því að Versló myndi leiða eftir hraðaspurningarnar en svo myndi MA síga fram úr og vinna keppnina. Það rættist nema að MA náðu öruggri forystu eftir hraðann og juku smátt og smátt við hana og sigruðu örugglega. Verslingar stóðu sig ágætlega en þei áttu einfaldlega ekki möguleika í gríðarsterka lið MA.

Eftir að við duttum út úr GB hélt ég að sjálfsögðu áfram að fylgjast með henni. Eftir að hafa séð hraðann hjá öðrum liðum hugsaði ég ávallt með mér: "Við hefðum rústað þeim í hraðanum og svo unnið keppnina." Síðan rann það jafn óðum upp fyrir mér að við rústuðum MA í hraðanum en töpuðum samt. Einnig hugsaði ég líka oft á þennan veg er ég sá MA: "Bara ef þríþrautin hefði verð aðeins öðruvísi eða Tryggvi í MA hefði ekki gert heimasíðu um Bern [sem Atli Freyr kallaði "Raufarhöfn Evrópu"]." En það þýðir ekki að vera að svekkja sig yfir svona hlutum.
Ég er alla vegana feginn að Gettu betur sé lokið í ár og þá get ég hætt að svekkja mig. MA verðskuldar titilinn fyllilega en á næsta ári ætlum við að vinna þessa keppni. Við eigum nú skilið smá heppni.

3 ummæli:

Unknown sagði...

Já, mikið rétt hjá þér. Takk fyrir að minna mig á það. Ég hugsa núna lengra fram í tímann þegar þessi keppni er búin.

En hvað með þig, ætlar þú að þjálfa MS næsta vetur?

Nafnlaus sagði...

Þið komið án nokkurs vafa feiknasterkir til leiks aftur á næsta ári, og ég ætla að halda með ykkur fyrir utan MA náttúrulega :)

Magni Þór

Unknown sagði...

Takk fyrir það, Magni, og en og aftur til hamingju.

Ég frétti að MA-ingar væru nú gistandi í MR. Þannig að hljóðneminn hefur þá skilað sér heim eftir allt saman þó það væri ekki nema í smá tíma.